ខេត្តកំពង់ស្ពឺ៖ នាព្រឹកថ្ងៃអង្គារ ១១កើត ខែភទ្របទ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២២ ខែកញ្ញា ឆ្នាំ២០២៦ នៅវិទ្យាល័យកំពង់ស្ពឺ ខេត្តកំពង់ស្ពឺ នាយកដ្ឋានគោលនយោបាយ បានរៀបចំសិក្ខាសាលាឆ្លុះបញ្ចាំងលើលទ្ធផលស្រាវជ្រាវស្តីពី «ឧត្តមានុវត្តន៍ និងបញ្ហាប្រឈមនៃការអនុវត្តស្តង់ដាសាលាមធ្យមសិក្សាគំរូ៖ ការស្វែងយល់ពីការចូលរួមរបស់សហគមន៍» ក្រោមអធិបតីភាព ឯកឧត្ដមបណ្ឌិត ឌី ខាំបូលី អគ្គនាយករង នៃអគ្គនាយកដ្ឋានគោលនយោបាយ និងផែនការ តំណាងឯកឧត្ដមបណ្ឌិត អ៊ុង បូរាត រដ្ឋលេខាធិការ ក្រសួងអប់រំ យុវជន និងកីឡា ដោយមានការអញ្ជើញចូលរួមពី ថ្នាក់ដឹកនាំ និងបុគ្គលិកអប់រំនៃអង្គភាពក្រោមឱវាទក្រសួងអប់រំ យុវជន និងកីឡា វិទ្យាស្ថានជាតិអប់រំ និង លោក លោកស្រីប្រធាន អនុប្រធាន បុគ្គលិកអប់រំនៃមន្ទីរអប់រំ យុវជន និងកីឡាខេត្តបាត់ដំបង ព្រះសីហនុ មណ្ឌលគិរី ក្រចេះ និងព្រៃវែង សរុបប្រមាណ ៧០នាក់ ស្រី ១២នាក់។ សិក្ខាសាលានេះ គាំទ្រដោយធនាគារពិភពលោក ក្នុងក្របខ័ណ្ឌគម្រោងកែលម្អការអប់រំចំណេះទូទៅ-ហិរញ្ញប្បទានបន្ថែម (GEIP-AF)។
សិក្ខាសាលានេះ មានគោលបំណងឆ្លុះបញ្ចាំង និងផ្ទៀងផ្ទាត់លទ្ធផលនៃការសិក្សាស្រាវជ្រាវ និងអនុសាសន៍ ព្រមទាំងប្រមូលធាតុចូលបន្ថែមពីភាគីពាក់ព័ន្ធដើម្បីការរៀបចំរបាយការណ៍ស្រាវជ្រាវនេះ មានភាពគ្រប់ជ្រុងជ្រោយលើគ្រប់ទិដ្ឋភាព។ ថ្លែងនៅក្នុងពិធីបើកសិក្ខាសាលា ឯកឧត្ដមបណ្ឌិត បានគូសបញ្ជាក់ចំណុចសំខាន់ៗ ចំនួន ៣ គឺ៖ (១) ការធ្វើសុខដុមនីយកម្មស្តង់ដាសាលារៀនគំរូ គ្រប់ភូមិសិក្សា និងការធ្វើឱ្យការអនុវត្តមានលក្ខណៈជាប្រព័ន្ធផ្លូវការ និង(២) ការចងក្រងឧត្ដមានុវត្តន៍ដែលបានរកឃើញសម្រាប់ជាឯកសារស្មារតីសម្រាប់សាលារៀនក្នុងការអនុវត្តស្តង់ដាសាលារៀនគំរូប្រកបដោយភាពជោគជ័យ។
#ModelSchool #GEIPAF #GEIP #DoPo
