កិច្ចប្រជុំស្តីពី «ការពិនិត្យ និងផ្ដល់អនុសាសន៍លើការស្រាវជ្រាវដែលបានបញ្ចប់របស់នាយកដ្ឋានគោលនយោបាយ»
រាជធានីភ្នំពេញ៖ នាព្រឹកថ្ងៃពុធ ១កើត ខែកត្ដិក ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី២២ ខែតុលា ឆ្នាំ២០២៥ នាយកដ្ឋានគោលនយោបាយបានរៀបចំកិច្ចប្រជុំស្តីពី «ការពិនិត្យ និងផ្ដល់អនុសាសន៍លើការស្រាវជ្រាវដែលបានបញ្ចប់របស់នាយកដ្ឋានគោលនយោបាយ» នៅសាលប្រជុំនាយកដ្ឋានផែនការ ក្រោមអធិបតីភាព ឯកឧត្តម អ៊ុង បូរាត រដ្ឋលេខាធិការក្រសួងអប់រំ យុវជន និងកីឡា ដោយមានការចូលរួមពីឯកឧត្ដមអគ្គនាយក អគ្គនាយករង លោក លោកស្រី ប្រធាន អនុប្រធាននាយកដ្ឋាន ប្រធាន អនុប្រធានការិយាល័យនៃនាយកដ្ឋានគោលនយោបាយ សរុប ២១រូប ស្រី ០៤រូប។
កិច្ចប្រជុំនេះមានគោលបំណងពិនិត្យមើលលើលទ្ធផលស្រាវជ្រាវទាំង៧ប្រធានបទរបស់នាយកដ្ឋានគោលនយោបាយ និងការផ្តល់អនុសាសន៍កែសម្រួល ព្រមទាំងការរៀបចំជាគោលនយោបាយសង្ខេបចេញពីលទ្ធផលនៃការស្រាវជ្រាវ។
គួរបញ្ជាក់ថា លទ្ធផលស្រាវជ្រាវដែលបានបញ្ចប់រួចរាល់ រួមមាន៖
១. ការសិក្សាស្រាវជ្រាវស្ដីពី កត្តាដែលជះឥទ្ធិពលដល់អត្រាឡើងថ្នាក់របស់សិស្សនៅមធ្យមសិក្សាទុតិយភូមិ
២. ការសិក្សាស្រាវជ្រាវស្តីពីកត្តាកំណត់ការរក្សាសិស្សនៅបឋមសិក្សា មធ្យមសិក្សាបឋមភូមិ និងមធ្យមសិក្សាទុតិយភូមិ នៅកម្ពុជា
៣. ការសិក្សាស្រាវជ្រាវស្តីពី ការសម្រេចចិត្តរបស់សិស្សក្រោយការប្រឡងសញ្ញាបត្រមធ្យមសិក្សាទុតិយភូមិនៅប្រទេសកម្ពុជា
៤. ការសិក្សាស្រាវជ្រាវអំពី ស្ថានភាពនិងលទ្ធភាពនៃការអនុវត្តគន្លងអប់រំថ្មីនៅវិទ្យាល័យចំណេះទូទៅ និងវិទ្យាល័យចំណេះទូទៅនិងបច្ចេកទេសនៅប្រទេសកម្ពុជា
៥. ការសិក្សាស្រាវជ្រាវស្តីពីលទ្ធភាពនៃការបង្កើតមូលនិធិសមធម៌អប់រំនៅប្រទេសកម្ពុជា
៦. ការសិក្សាស្រាវជ្រាវស្ដីពី ការពង្រឹងការអប់រំស្ទែម៖ ការអង្កេតសមត្ថភាពគ្រូបង្រៀន និងកត្តាជះឥទ្ធិពលលើការអនុវត្តការបង្រៀនស្ទែម
៧. ការសិក្សារហ័សស្តីពីឧត្តមានុវត្តន៍នៃសាលារៀនកម្ពុជាដែលមានពិន្ទុខ្ពស់នៅក្នុងតេស្ត PISA ២០២២៖ យុទ្ធសាស្រ្តសម្រាប់លើកកម្ពស់គុណភាពការប្រឡងតេស្ត PISA។
២២ តុលា ២០២៥ | នាយកដ្ឋានគោលនយោបាយ
គេហទំព័រ៖ https://dopomoeys.com/
ហ្វេសប៊ុក៖ https://www.facebook.com/dopopage/
តេឡេក្រាម៖ t.me/dopoinfo
