នាយកដ្ឋានគោលនយោបាយនៃក្រសួងអប់រំ យុវជន និងកីឡា បានសហការជាមួយវិទ្យាស្ថានបណ្តុះបណ្តាល និងស្រាវជ្រាវដើម្បីអភិវឌ្ឍន៍កម្ពុជា (CDRI) នឹងរៀបចំសន្និសីទគោលនយោបាយអប់រំលើកទី៥ ក្រោមប្រធានបទ “តើការចូលរួមរបស់សហគមន៍អាចគាំទ្រដល់ការអនុវត្តនូវស្តង់ដាសាលារៀនគំរូយ៉ាងដូចម្តេច? (“How School Community Engagement Can Support the Implementation of Model School Standards?”) ។
នៅក្នុងសន្និសីទគោលនយោបាយអប់រំនេះ នឹងមានការអញ្ជើញចូលរួមពីសមាសភាពវាគ្មិនកិត្តិយស និងអ្នកសម្របសម្រួលដែលអញ្ជើញមកពីតំណាងក្រសួង និងអង្គភាពក្រោមឱវាទក្រសួង ក៏ដូចជាអង្គការក្រៅរដ្ឋាភិបាល ដែលពោរពេញដោយចំណេះដឹង ជំនាញ និងបទពិសោធន៍ល្អៗ លើប្រធានបទនៃវេទិកាពិភាក្សានីមួយៗ ក៏ដូចជាបទបង្ហាញលើប្រធានបទផ្សេងៗ។
កម្មវិធីសន្និសីទគោលនយោបាយអប់រំលើកទី៥ ឆ្នាំ២០២៥ នឹងប្រព្រឹត្តទៅចាប់ពីថ្ងៃទី២០ ដល់២១ ខែវិច្ឆិកា ឆ្នាំ២០២៥ នៅវិទ្យាស្ថានគរុកោសល្យរាជធានីភ្នំពេញ និងតាមប្រព័ន្ធវីដេអូសន្និសីទ។
