ភ្នំពេញ៖ នាថ្ងៃទី២៨ ខែមិថុនា ឆ្នាំ២០២១ តាមរយៈ Zoom Video Conferenceនាយកដ្ឋានគោលនយោបាយ នៃក្រសួងអប់រំ យុវជន និងកីឡា បានរៀបចំកិច្ចប្រជុំបច្ចេកទេសពិភាក្សាលើសេចក្ដីព្រាងបឋមស្ដីពី “ឧបករណ៍វិភាគបញ្ហាអប់រំនៅកម្រិតសាលារៀន” ក្រោមអធិបតីភាព ឯកឧត្តម ហ៊ាង ស៊ីណេ អនុរដ្ឋលេខាធិការក្រសួងអប់រំ យុវជន និងកីឡា និងមានការចូលរួមពីឯកឧត្តម លោក លោកស្រី អគ្គនាយក អគ្គនាយករង ប្រធាននាយកដ្ឋាន នាយក ប្រធានគ្រឹះស្ថានបណ្ដុះបណ្ដាលគ្រូបង្រៀន ប្រមាណ ៦០រូប។

ឧបករណ៍នេះ មានវិសាលភាពសម្រាប់សាលារៀនកម្រិតមធ្យមសិក្សាទុតិយភូមិ អាចប្រើប្រាស់ក្នុងការវិភាគ លើសូចនាករ សូចនាកររង លក្ខណៈវិនិច្ឆ័យ និងកម្រងសំណួរនានាក្នុងការគ្រប់គ្រងរបស់សាលារៀន។

មួយវិញទៀត ឧបករណ៍នេះ នឹងមានប្រយោជន៍សម្រាប់គណៈគ្រប់គ្រងសាលារៀន ក្នុងការរៀបចំផែនការអភិវឌ្ឍសាលារៀន និងការពិនិត្យតាមដានជាប្រចាំនូវការអនុវត្ត ស្របតាមគោលនយោបាយរបស់ក្រសួងអប់រំ យុវជន និងកីឡា។

————————————–

Website: https://dopomoeys.com/

Fb: https://web.facebook.com/dopopage

Posted 28.06.21, 10:37 AM