រាជធានីភ្នំពេញ៖ នាយកដ្ឋានគោលនយោបាយ នៃក្រសួងអប់រំ យុវជន និងកីឡាបានរៀបចំវគ្គសិក្ខាសាលាបំប៉នសមត្ថភាពស្ដីពី «ការវិភាគបញ្ហា និងរៀបចំផែនការយុទ្ធសាស្ត្រអភិវឌ្ឍសាលារៀន» ចាប់ពីថ្ងៃទី២០ ដល់ថ្ងៃទី២២ និងថ្ងៃទី២៧ ដល់ថ្ងៃទី២៩ ខែកក្កដា ឆ្នាំ២០២២ នៅ៖

១. វិទ្យាល័យបន្ទាយប្រណាក ខេត្តកំពង់ស្ពឺ

២. វិទ្យាល័យអង្គស្វាយពុំសែន ខេត្តកំពត

៣. អនុវិទ្យាល័យហ៊ុនសែន ភ្នំកុយ ខេត្តប៉ៃលិន

៤. អនុវិទ្យាល័យបឹង ខេត្តកំពង់ធំ

៥. វិទ្យាល័យព្រែកអាជី ខេត្តត្បូងឃ្មុំ

៦. វិទ្យាល័យហ៊ុនសែនស្មាច់ដែង ខេត្តព្រះសីហនុ

៧. អនុវិទ្យាល័យតាកោ ខេត្តព្រៃវែង

៨. វិទ្យាល័យហ៊ុនសែនឈូក ខេត្តកំពត

៩. វិទ្យាល័យភ្នំធំ ខេត្តបន្ទាយមានជ័យ

១០. អនុវិទ្យាល័យព្រែកកុយ ខេត្តកំពង់ចាម

១១. អនុវិទ្យាល័យរការគយ ខេត្តកំពង់ចាម

១២. អនុវិទ្យាល័យហ៊ុនសែនអង្កោល ខេត្តកែប។

សិក្ខាសាលានេះ មានគោលបំណងដើម្បីវិភាគបញ្ហានិងរៀបចំផែនការយុទ្ធសាស្ត្រអភិវឌ្ឍសាលារៀន នៅតាមសាលារៀនគោលដៅរបស់គម្រោងគាំទ្រសាលារៀនក្នុងការអនុវត្តគោលនយោបាយអប់រំ ដើម្បីលើកកម្ពស់សមិទ្ឋផលសិក្សារបស់សិស្ស និងប្រែក្លាយសាលារៀនមានប្រសិទ្ធភាព តាមរយៈការផ្តល់ការអភិវឌ្ឍសមត្ថភាព គាំទ្រដែលមានលក្ខណៈជាប្រព័ន្ធ។