នាយកដ្ឋានគោលនយោបាយ នៃក្រសួងអប់រំ យុវជន និងកីឡា មានកិត្តិយស សូមជម្រាបជូនសាធារណៈជនឱ្យបានជ្រាបថា នាយកដ្ឋានគោលនយោបាយបានបោះពុម្ពផ្សាយ កាលិកបត្រអប់រំកម្ពុជា វ៉ុល ៥ លេខ២ (Cambodia Education Review Volume 5, Number 2) ដែលជាសមិទ្ធផលថ្មី និងពិសេសមួយដែលរួមមានទាំងអត្ថបទស្រាវជ្រាវ និងអត្ថបទគោលនយោបាយអប់រំ ជាភាសាខ្មែរ និងភាសាអង់គ្លេសរួមបញ្ចូលគ្នាក្នុងវ៉ុលតែមួយ។ ការបោះពុម្ពផ្សាយនេះ គឺធ្វើឡើងក្នុងគោលបំណងដើម្បីផ្សព្វផ្សាយចំណេះដឹង និងភស្តុតាងនៃការស្រាវជ្រាវតាមបែបវិទ្យាសាស្ត្រពាក់ព័ន្ធនឹងការអប់រំដើម្បីបានជាប្រយោជន៍ដល់អ្នកសិក្សាស្រាវជ្រាវ បង្ហាញពីស្នាដៃលើការសរសេរអត្ថបទស្រាវជ្រាវ និងជម្រុញលើកទឹកចិត្តឱ្យមានការចូលរួមបោះពុម្ពផ្សាយអត្ថបទស្រាវជ្រាវនៅក្នុងកាលិកបត្រអប់រំកម្ពុជាអោយបានកាន់តែច្រើន។