កាលពីវេលាម៉ោង 2:30 នាទី រសៀល ថ្ងៃអង្គារ ១២ កើត ខែជេស្ឋ ឆ្នាំជូតទោស័ក ពុទ្ធសករាជ ២៥៦៤ ត្រូវនឹងថ្ងៃទី២ ខែមិថុនា ឆ្នាំ២០២០ ឯកឧត្តម លីម សុធា អគ្គនាយក នៃអគ្គនាយកដ្ឋានគោលនយោបាយ និងផែនការ ដែលជាតំណាងដ៏ខ្ពង់ខ្ពស់របស់ឯកឧត្តមបណ្ឌិតសភាចារ្យរដ្ឋមន្រ្តី ហង់ជូន ណារ៉ុន រដ្ឋមន្រ្តីក្រសួងអប់រំយុវជន និងកីឡា បានដឹកនាំគណៈប្រតិភូ និងមន្ត្រីនៃអគ្គនាយកដ្ឋានគោលនយោបាយ និងផែនការទាំងអស់ បានអញ្ជើញទៅគោរពវិញ្ញាណក្ខន្ធ សពរបស់លោក ហំ គន្ធា នៅគេហដ្ឋាននៃសព ផ្ទះលេខ២៩៧B ផ្លូវលេខ៦៣ ក្នុងបុរីសូនី ជិតផ្សាលឹមឈាងហាក់ ភូមិទ្រា សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។
នៅក្នុងកិច្ចគោរពវិញ្ញាណក្ខន្ធសពលោក ហំ គន្ធា ឯកឧត្តម បានពាំនាំនូវសាររំលែកទុក្ខ ព្រមទាំងបច្ច័យចូលរួមបុណ្យសពចំនួន ២ ០០០ ០០០ ៛ (ពីរលានរៀលគត់) ជូនដល់ក្រុមគ្រួសារនៃសព ព្រមទាំងសម្តែងនូវសេចក្តីក្រៀមក្រំ សោកស្តាយចំពោះបាត់បង់នូវមន្រ្តីអប់រំដ៏ល្អម្នាក់ពីអគ្គនាយកដ្ឋានគោលនយោបាយ និងផែនការ។
បញ្ជាក់៖ លោកហំ គន្ធា ជាអនុប្រធានការិយាល័យសម្របសម្រួលការអនុវត្តគោលនយោបាយនៃនាយកដ្ឋានគោលនយោបាយ ក្រសួងអប់រំយុវជន និងកីឡា បានទទួលមរណៈភាព ក្នុងជន្មាយុ ៤៧ ឆ្នាំ ដោយរោគាពាធ កាលពីថ្ងៃចន្ទ ១១ កើត ខែ ជេស្ឋ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី ០១ ខែមិថុនា ឆ្នាំ ២០២០ វេលាម៉ោង ៨:00 នាទីយប់។ ពិធីបុណ្យសពបានប្រព្រឹត្តទៅនៅគេហដ្ឋាននៃសព ផ្ទះលេខ២៩៧B ផ្លូវលេខ៦៣ ក្នុងបុរីសូនី ជិតផ្សាលឹមឈាងហាក់ ភូមិទ្រា សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។
ដោយ៖ កែវ រតនៈ មន្ត្រីនាយកដ្ឋានគោលនយោបាយ
